Vijon puna për kapjen e personave të shpallur në kërkim. Në Gjirokastër është ndaluar Drilon Tota , 26 vjeç, banues në Tiranë, pasi Prokuroria e Rrethit Gjyqësor Gjirokastër, ka lëshuar urdhrin për ekzekutimin e vendimit të Gjykatës së Rrethit Gjyqësor Gjirokastër, e cila e ka dënuar me 9 vjet burg për veprën penale ” Vjedhje me dhunë e kryer në bashkëpunim “.
Ndërkohë edhe Specialistët e Stacionit të Policisë Memaliaj kanë bërë të mundur kapjen dhe ndalimin e Agron Hasa, 60 vjeç banues në fshatin Krahës 1, Memaliaj. Lidhur me 60 – vjeçarin, Prokuroria e Rrethit Gjyqësor Gjirokastër, ka lëshuar urdhrin për ekzekutimin e vendimit të Gjykatës së Rrethit Gjyqësor Gjirokastër, e cila e ka dënuar me 3 vjet burg për veprën penale ” Kultivim i bimëve narkotike “./tvklan.al
