Policia e Korçës ka arrestuar në flagrancë dy të arratisur nga burgu i Greqisë si edhe një bashkëpunëtor tjetër të tyre, të cilët tentuan të trafikonin lëndë të dyshuar narkotike, armë zjarri dhe municione luftarake, drejt shtetit Grek.
Gjatë arrestimit, personave iu sekuestruan 3,3 KG lëndë e dyshuar Cannabis Sattiva, 3 armë zjarri automatike, 1 pistoletë, si edhe një sasi e konsiderueshme municionesh luftarake.
Pas finalizimit të operacionit të koduar “Fundi i Arratisë”, u bë kapja dhe arrestimi i shtetasve :
Lodovik Kola, 42 vjeç, banues në fshatin Bicaj-Pukë,
Enkeledi Myrte, 34 vjeç, banues në fshatin Braçanj-Devoll,
Shpëtim Hidri, 44 vjeç, banues në fshatin Mal Bardhë-Kurbin.
Si rezultat i bashkëpunimit të kryer me autoritetet policore greke, u sigurua informacion në rrugë operative se, dy shtetas shqiptarë konkretisht Lodovik Kola dhe Enkeledi Myrte, të cilët vuanin dënimin në Burgun e Menemenit në Greqi, për veprat penale të “Vrasjes” dhe “Trafikimit të Narkotikëve”, ishin arratisur prej këtij Institucioni më datë 17.05.2016 dhe kishte të dhëna, se ndodheshin në Shqipëri.
Arrestimi i tyre, u bë pasi dje, në aksin rrugor Vishocicë-Braçanj, të rrethit Devoll, shtetasit Lodovik Kola dhe Enkeledi Myrte, u kapën në flagrance, duke lëvizur me automjetin tip “Renault” me targa AA 122 EH, me pronar si edhe drejtues shtetasin Shpëtim Hidri.
