Grabitja e bankës në ish-bllok, ja masa e Gjykatës për dy të akuzuarit

Gjykata e Tiranës ka vendosur detyrim paraqitje për Luigj Gjonaj, drejtor i degës së bankës që u vodh në zonën e ish­Bllokut.

Në seancën e zhvilluar sot është vendosur arrest me burg për Florjan Skarën, shef i Sigurisë.

Këta dy persona u arrestuan ditën e djeshme për arsye se me veprimet dhe mosveprimet e tyre, pavarësisht marrjes së sinjalit për vjedhje në bankë, kanë neglizhuar kryerjen e veprimeve dhe marrjen e masave, duke sjellë si pasojë vjedhjen e një shume të konsiderueshme të vlerave monetare që ndodheshin në kasafortën e kësaj banke.

Pas hetimeve paraprake të policisë së kryeqytetit, burimet thanë se materialet u referuan në Prokurorinë e Rrethit Gjyqësor Tiranë, për akuzën “shpërdorim detyre” ndaj dy zyrtarëve të filialit të bankës private.