Durrës- Dy vëllezër janë konfliktuar me njëri-tjetrin për motive të dobëta. Sipas policisë në konflikt janë përfshirë edhe djemtë e njërit prej tyre.
Specialistët për Krimet ne Komisariatin e Policisë Durrës, pas një pune hetimore intensive dhe të pandërprerë kanë bërë të mundur zbardhjen dhe dokumentimin e plotë të një konflikti familjar, pa kaluar 24 orë, ku u arrestuan në flagrancë shtetasit:
Vangjel Parangoni 56 vjeç, banues në Durrës;
Edmond Parangoni 33 vjeç, banues ne Durrës, djali i J.Parangoni.
Gjithashtu filloi proçedimi penal në gjendje të lirë në ngarkim të shtetasve:
- Parangoni 60 vjeç, banues në Durrës, vëllai i Vangjel Parangonit;
- Parangoni 27 vjeç, banues në Durrës, djali i J.Parangoni.
Më datë 07.08.2016, në orët e mbrëmjes, pas një konflikti për motive të dobëta shtetasi J. Parangoni dhe dy djemtë e tij, shtetasit Edmond dhe K. Parangoni kanë goditur me grushta në kokë shtetasin Vangjel Parangoni.
Gjatë kontrollit të ushtruar në banesën e shtetasit Vangjel Parangoni u gjetën dhe u sekuestruan në cilësinë e provave materiale:
një automotik model 56 i kalibrit 7.62 mm, një armë zjarri tip pistoletë, 107 fishekë të ndryshëm.
Ndërkohë, gjatë kontrollit të ushtruar në banesën e shtetasit J.Parangoni u gjet dhe u sekuestrua në cilësinë e provës materiale: një armë gjahu me leje.
Materialet i kaluan Prokurorisë së Rrethit Gjyqësor Durrës për veprime të mëtejshme për veprat penale”Prodhimi dhe mbajtja pa leje e armëve luftarake dhe e municionit”dhe”Dhunë në familjë” ./tvklan.al
