Një bombë e shpërthyer ka vrarë 43 persona në një spital në qytetin e
Quetta, në jugperëndim të Pakistanit, bëri të ditur policia.
Dhjetra njerëz u plagosën në këtë sulm, i cili ndodhi në hyrje të departamentin e emergjencës ku ishte trupi i një avokati të njohur i cili u vra në orët e para të së hënës.
Viktimat janë avokatë dhe gazetarë të cilët shoqëronin trupin e Bilal Anwar Kasi. Pas shpërthimit me bombë, BBC bën të ditur se u qëllua edhe me armë zjarri. Nuk ishte e qartë se kush ishin sulmuesit.
Policia pakistaneze bëri të ditur se dysho se bomba u aktivizua nga një kamikaz vetëvrasës. Bilal Anwar Kasi, i cili ishte president i Shoqatës së Avokatëve, u qëllua teksa po shkonte në kompleksin gjyqësor në Quetta, bëri të ditur TV Geo.
Kryeministri pakistanez Nawaz Sharif dënoi sulmet. “Askush nuk do të lejohet të prishë paqen e krahinës,” tha ai.
“Njerëzit, politika dhe forcat e sigurisë në Balochistan kanë sakrifikuar për vendin.”
