Kreu i Grupit Parlamentar të Partisë Demokratike, Edi Paloka ka reaguar ndaj statusit të Kryeministrit, Edi Rama në Facebook lidhur me deklaratat e Bashës për qeveri teknike.
Duke komentuar kushtin e Lulzim Bashës për qeveri teknike, Rama përmendi një frazë nga trajneri i famshëm italian, Arrigo Saçhi, ku thoshte se: “Nuk ka më keq për fëmijën se një baba harbut, që e gënjen mendja se i biri është Francesco Totti i ardhshëm!”
Për këtë batutë të Ramës, Paloka thotë se Kryeministri e ka kompleks çështjen e babait.
“E ke kompleks çështjen e babait dhe djalit prandaj e përdor pa kriter. SHQUPI ta SHQEPI dy herë. E treta e vërteta”, shprehet Paloka.
