Një 30-vjeçar shqiptar është arrestuar në Greqi, ndaj të cilit ishte lëshuar një urdhër-arresti ndërkombëtar.
Mediat greke raportojnë se shqiptari ishte në kërkim nga policia e Korfuzit për vrasje dhe abuzim seksual me të mitur.
30-vjeçari, identiteti i të cilit nuk dihet, jetonte më parë me partneren e tij greke 27-vjeçare dhe mamanë e saj 57-vjeçare në ishullin grek.
Gjatë një sherri me të dashurën e tij, ndërhyri në mes edhe mamaja e 27-vjeçares, e cila u dhunua nga i arrestuari dhe më pas ndërroi jetë nga plagët që kishte marrë.
Gjithashtu, në bazë të hetimit paraprak, rezulton që në vitin 2015, shqiptari kishte ngacmuar seksualisht edhe vajzën e vogël të partnerit të tij.
Ai u kap pranë zonave kufitare të Greqisë Veriore me Shqipërinë, në tentativë për t’u larguar nga shteti fqinj dhe për t’u kthyer në Shqipëri.
