Menaxheri i Kombëtares italiane, Antonio Conte po merr lëvdata të shumta pas suksesit me Italinë në kampionatin evropian.
Conte luan çerek-finalen ndaj Gjermanisë, dhe do të jetë një tjetër test i vështirë për italianin që eliminoi kampionin në fuqi Spanjën.
Legjenda e Milanit, Alessandro Costacurta beson që Conte do të arrij sukses edhe në takimin e radhës ndaj Gjermanisë, gjithashtu ai e quan Conten si një prej trajnerëve më të mirë në botë.
“Gjëja më e rëndësishme është trajneri. Conte është më i miri në botë për atë se çfarë ka treguar në këtë evropian”, ka thënë Costacurta i cili është shprehur i lumtur duke parë vendin e tij në këtë formë të shkëlqyer./Indeksonline/
