Arben Ristani, nënkryetar i Partisë Demokratike, thotë se kjo pajisje ka hyrë në Shqipëri pa doganë, dhe po përdoret nga policia në mënyrë të jashtëligjshme.
“Ministrisë nuk ka pse ti djegë. Në rast se është pajisje trajnimi, si është bërë trajnimi, mbi ç’plan trajnimi është bërë, kush është trajnimi. Ndërkohë që këta nuk ja japin pajisjes Prokurorisë që ta verifikojë se çfarë pajisje është. E dimë që sa më shumë sofistikohet krimi aq më shumë sofistikohen edhe pajisjet që përdoren nga organet ligjëzbatuese. Ne kemi një kuadër të tërë ligjor që rregullon përgjimet. Ka një udhëzim të posacëm të Prokurorit të Përgjithshëm si rregullohet kjo veprimtari. Per rastin konkret ka një hetim nga prokuroria sepse dyshohet që Ministria e Brendshme ka një aparaturë që ka kaluar pa leje në doganë dhe që po përdoret në mënyrë jo legjitime nga Ministria e Brendshme. Atëherë përse kjo aparaturë nuk i jepet Prokurorisë. Nëse janë italianët ata që po bëjnë trajnimin, duhet të tregojnë. Do dali një me emër Biu që është me mbiemër Beu që është kolonel që e ka futur. Ajo që duket e qartë është se kemi një ministër të Brendshëm që nuk është i qartë, që çfarë thotë njëherë nuk thotë herën tjetër.”
