Nga Olti Curri
Ka një problem të madh në Shqipëri me analizën e munguar qoftë edhe folklorike dhe pa terma nga Bursa e New Yorkut, mbi personazhe që dalin në ekran, tregojnë që jetojnë në luks edhe pse shumicën e rasteve inkeliti i lirë i zë shumë sipërfaqe në trup, sajojnë flirte me politikanë, nuk tregojnë profesionin apo trashëgimninë që i sjell të ardhurat dhe publiku i etiketon si kurva… ose kurva elitare.
Puna është se këtu duhet një analizë e vogël. A ka një kirurg të famshëm, milioner, me shumë punë që rri gazetave, portaleve dhe televizioneve? Jo nuk ka kohë. Luksi më i madh, thonte dikur drejtori i Ferrarit, Montezemolo, është të kesh kohë të lirë. Me pak llogari i bie që kurvat tona spektakolare janë të papuna. Kurvat tona spektakolare nuk i kërkon njeri ndaj vërdallisen kot.
Kurvat tona spektakolare nuk janë në dyqanet e Hermes duke prenotuar çantat e 2020, nuk janë duke dhënë kapar 300 mijë euro për të porositur gjerdanin Cartier e dimrit që vjen, as duke zgjedhur tokën në kodrat e Monacos ku do të ndërtojnë shtëpinë e pleqërisë… ashtu siç bëjnë të gjithë kurvat e heshtura profesioniste që punojnë seriozisht por që nuk kanë kohë të merren me media, muzikë, talk show apo kalendare. Ose ne kemi kurva dembele, ose janë kurva të këputura dhe nuk i kërkon askush ndaj vijnë verdallë nëpër mediume. Ose kurvëria është zanati që ëndërrojnë por nuk kanë talent.
