TIRANE- Ish-kryeministri Sali Berisha i ka bërë thirrje shqiptarëve të armatosen për të mbrojtur veten, vatrat dhe pronat e tyre, pasi me qeverinë, organizatë kriminale në krye, nuk ka as rend, as siguri e as qetësi.
Gjatë fjalës në Kuvend, duke numëruar bëmat e Shullazit dhe bandës së tij, lidhur ngushtë me qeverinë, Berisha theksoi: “U bëj thirrje shqiptarëve të armatosen, të sigurojnë armë, për të mbrojtur veten, vatrat, pasuritë e tyre se nuk kanë asnjë siguri, u bëj thirrje, nëse ju organizatë kriminale mendoni të terrorizoni opozitën dhe qytetarët me bandat tuaja, ju garantoj se ne dhe qytetarët jemi të gatshëm të ua kthejmë me të njëjtin mjet dhe të mos gjeni vrimë miu ku të futeni.
Sipas tij, shqiptarët duhet të armatosen, ashtu si po armatosen amerikanët. “Qytetarët që duan të mbrojnë veten të armatosen, dhe të sjellim ligjin, tu japim të drejtë të mbajnë armë, me këtë organizatë kriminale nuk ka rend, qetësi”, u shpreh Berisha.
