Në morinë e shumë largimeve nga “Top Channel”, ishte dhe ai i autores së programit “The Voice”. Mbrëmjen e djeshme, jo pak vëmendje iu dedikua asaj, ku nuk munguan reagimet nga Sidriti dhe Ledioni.
Zefina Hasani ka folur për revistën “Class”, duke komentuar dialogun e dy ish bashkëpunëtorëve të saj të afërt, deri dy javë më parë.
“Sidriti foli! Çfarë Ledioni tha më pas, për mua s’ka asnjë vlerë, siç nuk ka vlerë gjithçka tjetër jo profesionale”, është shprehur ajo.
Natën finale të The Voice anëtari i jurisë, Sidrit Bejleri nuk ka harruar ta falenderojë autoren Zefina Hasani për punën saj, (edhe pse e pushuan nga puna). “Kaq mund të them unë si vjetri që jam, vetëm në rast se hapni një program për azil pleqsh mund të marr përsëri pjesë”, ka thënë Sidriti.
I menjëherëshëm ka qenë reagimi i moderatorit Ledion Liço, ku ka thënë se mund ta hapin një program të tillë, që mund ta bënte Zefina si e papunë që është.
