BULQIZË– Gëzime Lleshi, 33 vjeçe, gruaja që shihni në foto një ditë më parë u denoncua për plagosje. Ajo ka tentuar ti presë organet gjenitale një burri rreth 60 vjeç. Dyshohet se personi në fjalë ka tentuar ta përdhunojë. Ndërsa në media shkruhet se kanë qenë të dashur.
Gazeta Panorama shkruan se Gëzime Lleshi pasi ka kryer plagosjen ka telefonuar bashkëshorten e të plagosurit duke i thënë “hajde merre se përndryshe do ta lë pa to…”
60 vjeçari H.B. ka marrë plagë thike por është jashtë rrezikut për jetën. Ngjarja ka ndodhur para disa ditës në lagjen “Gjeologu” të Bulqizës por është mbajtur sekret për mediat. Mësohet se, në momentin kur ishpunonjësi i CEZit ka mbërritur në spital, në gjendje kritike, me plagë të rënda në dy kofshë, mjekët e urgjencës i kanë telefonuar Komisariatit të Policisë dhe kanë informuar se një shtetas me plagë të shkaktuara nga mjete prerëse ndodhet në spitalin e qytetit.
Oficerë të Policisë Gjyqësore kanë mbërritur menjëherë në spitalin e Bulqizës. Kanë kontaktuar me shtetasin me inicialet H.B. dhe kanë kërkuar prej tij të tregojë rrethanat e ngjarjes.
Policia lokale po heton 35vjeçaren dhe po punon për zbardhjen e plotë të ngjarjes. Gëzime Lleshi rezulton të jetë dy herë e divorcuar dhe nënë e tre fëmijëve. Me burrin e dytë ajo është ndarë rreth 1 vit më parë, pasi ai e denoncoi për dhunë. Madje, në atë kohë, i shoqi i saj kishte marrë edhe urdhër mbrojtjeje nga Policia e Bulqizës.
