TIRANE- Sërish aksidente në autostradën Tiranë Durrës. Qytetarët kanë raportuar në Opinion.al me foto dhe fakte aksidentet që kanë ndodhur pak minuta më parë në autostradë në kilomentrin e 4-t, në Kashar.
Siç shihet në foto fillimisht ka qenë një mjet tip Ford i cili duke shmangur një kalimtar që i ka prerë rrugën ka përfunduar në kanal.
Më pas, vetëm pas dy minutash një mjet til Audi A8 është karamboluar me një mjet tip Fiat Stilo, edhe kësaj here duket se ka patur pengesa në rrugë.
Aksidentet siç edhe shihet në foto kanë krijuar mjaft trafik në autostradë. Opinion.al u interesua pranë policisë së Tiranës e cila tha se “janë shënuar 2-3 incidente por nuk ka pasoja në njerëz vetëm dëme materiale”. Po punohet për spostimin e mjeteve dhe zhbllokimin e trafikut në autostradë, vijoi më tej policia në sqarimin e saj.
Edhe një ditë më parë raportuam për një seri aksidentet që bllokuan autostradën për afro një orë. /Opinion.al
