Në këtë aksident, ku helikopteri u rrëzua në ujërat e Liqenit të Shkodrës humbën jetën dy ushtarakë dhe një i tretë mbeti i plagosur.
Bazo theksoi se, Ministria e Mbrojtjes po angazhon të gjitha forcat për zbulimin e shkaqeve dhe rrethanave të këtij aksidenti.
“Po angazhohemi për të hedhur dritë mbi shkaqet e aksidentit tragjik”, tha Bazo duke bërë të ditur se kanë humbur jetën Florian Deliaj dhe Donald Hoxha, ndërsa u plagos Gerald Baramuça.
Shefi i Shtabit të Përgjithshëm të FA-së ka theksuar më tej se “helikopter EC 145 është futur në përdorim të Forcave të Armatosura në nëntor të vitit të kaluar”.
Ndërsa “itinerari ishte brena trajektores së miratuar gjatë një stërvitjeje rutinë”.
“Helikopter shërben për operacionet kërkim-shpëtim dhe pilotët ishin me përvojë të kënaqshme”, tha Bazo.
http://www.dailymotion.com/video/x42getq_jeronim-bazo_news
