Në Zvicër dy djem myslimanë nuk i kanë shtrënguar dorën mësueseve femra, pasi kjo praktikë është kundra besimit të tyre.
Mësohet se kjo sjellje ka shkaktuar shumë zemërim në vend.
Në shkollat zvicerane, shtrëngimi i dorës me mësuesin është diçka e zakonshme.
Por djemtë, që shkojnë në një shkollë në qytetin e vogël Therwil thanë se kjo shkon kundër besimit të tyre.
Sipas tyre, nuk u lejohet të prekin femra të tjera jashtë familjes.
Sipas BBC, ministrja e Drejtësisë, Simonetta Sommaruga tha se shtrëngimi i duarve është pjesë e kulturës dhe jetës së përditshme në Zvicër.
Sindikata e mësuesve tha se ky vendim është një diskriminim ndaj femrave.
Christian Amsler i këtij unioni tha se shkolla mund të ketë tentuar të zgjidhë një problem të pakëndshëm, por thjesht ka bërë një gabim.
Kryebashkiaku i qytetit me 10 mijë banorë, Reto Wolf tha se komuniteti është i pakënaqur me këtë vendim.
Djemtë, 14 dhe 15 vjeç, jetojnë në Zvicër prej disa vitesh.
Por edhe grupet myslimane thonë se veprimi i shkollës është i gabuar.
Sipas tyre, nuk ka asnjë referencë në Kuran që justifikon refuzimin e shtrëngimit të dorës me një mësuese.
Megjithatë disa grupe myslimane thonë se shtrëngimi i dorës mes një mashkulli dhe një femre është i ndaluar.
