TIRANE- Edi Rama për herë të parë është drejtuar me një falenderim dhe ndjesë për Fatos Nanon, liderin historik të së majtës.
Edi Rama duke folur në Kongresin e PS u shpreh se: “Falenderoj të parin Gramoz Ruçin. Së pari se ka qenë në anën e duhur të kësaj partie; Së dyti ke qenë për mua gjykatës i rreptë dhe kritik i madh.
Falenderoj të dytin Fatos Nanon dhe shpresoj të na bashkohet në kremtimet e 25 vjetorit të Partisë. I bëj thirrje të gjejë deri atë ditë fjalët e duhura për të folur për kontributin e tij në lidershpin e PS. Gjërat që na ndajnë mua edhe atë nuk mund të ndajnë në dysh Partinë Socialiste”, u shpreh Rama.
Po ashtu, me një falenderim të veçantë Rama ju drejtua edhe aleatit të tij më të madh në koalicionin qeveritar, kreut të LSI-së llir Meta. “Falenderoj Ilir Metën bashkëkryetarin e aleancës. Nuk kemi kujtime të mira mes nesh, dy pjesë të kësaj familje të bashkuar nuk janë çliruar nga pesha e së kaluar por kam bindjen se mbi barrën e gabimeve të shkuara është vlera e bashkimit tonë që e ktheu Shqipërinë në drejtimin e duhur”, u shpreh Rama.
Nuk ka munguar as falënderimi për Dritëro Agollin. “Falënderoj Dritëroin, meqëse ishte i pamundur për të qenë këtu dhe për të na shpotitur me një gotë rakie po na ndjek nga ekrani. Një duartrokitje për të”, tha Rama. /Opinion.al
