Antonella Roccuzzo, bashkëshortja e Leo Messit, ka publikuar një imazh në rrjetet sociale, gjatë ditëve të tyre të pushimit në Andorra. Leo Messi ka marrë dy ditë pushim, të dhëna nga Luis Enrique, për të shkuar në Andorra. Të martën u pa duke shijuar një ditë në dëborë me mikun e tij, fotografin nga Rosario, Leandro Adorna, i cili publikoi foto në llogarinë e tij personale në Instagram.
Këtë herë, në emër të çiftit, ka qenë bashkëshortja e yllit argjentinas, Antonella Roccuzzo, e cila ndau një fotografi të familjes nëpërmjet rrjeteve sociale. Në fotografi, në të cilën djali i madh, Thiago, qëndron mbi supet e Leo Messit, ndërsa djali më i ri, Mateu, i mbështetur te nëna e tij.
“Duke shijuar dëborën e çmendur me fëmijët tanë të vegjël”, – ka shkruar në krah të imazhit të publikuar, Antonella Roccuzzo, e cila vitin e kaluar shkoi me “numrin 10” të Barcelonës në “Pirineos“, gjatë kësaj kohe. Pesë herë fituesi i “Topit të Artë” do t’i bashkohet Barcelonës në stërvitje të enjten, teksa do të rikthehet në trajnim për t’u përgatitur për ndeshjen kundër Getafes, e cila do të luhet të dielën e ardhshme.
