Komisioni i Mandateve është mbledhur pasditen e sotme për të shqyrtuar çështjen e mandatit të deputetit socialist Koço Kokëdhima, për të cilin opozita ka kërkuar papajtueshmëri dhe e çoi në Gjykatën Kushtetuese për interpretim.
Kushtetuesja i kërkoi Kuvendit që ta paraqesë çështjen në Gjykatë pasi nuk i takon atij të vendosë për një anëtar të tij.
Deputeti demokrat, Eduart Halimi tha se “në të gjitha rastet kur një deputet dyshohet se ka përfituar fonde publike, çështjen duhet ta zgjidhë gjykata.
Ndërkohë avokati i zotit Kokëdhima, sqaroi se “kërkesa e paraqitur nga grupi i deputetëve në Gjykatën Kushtetuese është pranuar pjesërisht dhe ajo që të bie në sy është fakti që për dy pikat e kërkesës që kanë të bëjnë me çështjen e papajtueshmërisë së funksionit të deputetit, është rrëzuar si një kërkesë e palegjitimuar. Do të thotë që me këtë çështje, kuvendi është shprehur njëherë dhe nuk mund tëmerret më. Kuvendi duhet të shohë vendimin në rastin në fjalë, ka të bëjë me pikën tre që ka të bëjë me konfliktin e interesit, në raport me
interpretimin e kompetencës së pikës katër, që gjykata kushtetuese i ka dhënë kuvendit vetëm diskrecionin juridik formal të shikimit të të gjitha argumenteve në çdo rast kur ka një shkelje të pikës 3 të nenit 70 të kushtetues.”
Në përfundim të mbledhjes Komisioni i Mandateve vendosi që kjo çështje ti kalojë për shqyrtim Gjykatës Kushtetuese e cila do të vendosë nëse deputeti Kokëdhima, ka përfituar apo jo nga fondet publike për kompanitë e tij të biznesit.
