Çeshtjet e shumta gjyqesore dhe mbi te gjitha zvarritja e tyre, po frenojne investimet amerikane ne vendin tone. Presidenti i Dhomes Amerikane te tregtise, Mark Craword tha per ABC News se shume sipermarres duan te investojne ne Shqiperi, por stepen duke pare kolege te tyre qe luftojne per vitet te tera ne dyert e drejtesise.
Sipërmarrësit amerikanë kanë frenuar investimet në Shqipëri, për shkak se po zvarriten çështjet gjyqësore që ato kanë të hapur me administratën tonë publike.
Presidenti i Dhomes Amerikane te Tregtise ne Shqiperi, thote qe kjo po mban peng miliona dollare investime e dhjetera vende te reja pune.
“Kemi disa investitorë që janë gati për të investuar dhe kanë çështje që mund t’i zgjidhin, apo të paktën të marrin një përgjigje. Kjo është pengesë për investitorët.
Nëse shohim që ka nga ata që kanë ngelur në gjyq një vit, dy vite, apo më shumë për çështje që duhet të ishin zgjidhur, na prek si biznes, por prek edhe qytetarët të cilët janë të pa punë.”
Zvarritja e proceseve gjyqësore ka zbehur besimin e investitoreve dhe ka rritur kostot e sipermarrjeve sipas Crawford.
“Kemi antëtarë që po investojnë dhe disa kanë çështje gjyqësore. Ata po presin, nëse mbarojnë shpejt do të investojnë, nëse vazhdojmë me probleme në gjykatë do të thotë që sistemi nuk punon.”
Dhoma Amerikane vlerësoi vendimin e fundit Të Gjykatës Kushtetuese, e cila hodhi poshte supergjopat ndaj biznesit. Por, Drejtuesi i Dhomes, i kerkon qeverise te jete me transparente kete vit, pasi sipas tij, krahas taksave te fshehta te shtuara, mbi sipermarrjet po rendon edhe kriza e çmimeve ne bote.
“Nëse kemi probleme me taksat, me gjykatë, me tregun, dhe cmimeve nga jashte (problemin e Arabise Saudite me Iranin, qe na prek) do te thyhet kurrizi i biznesit. Kështu që sa më thjeshtë, sa më transparent aq më mirë për ne.”
Per shkak te çmimeve te uleta ne bote, industria nxjerrese ka ulur prodhimin, ndersa ka paralajmeruar se fundi edhe shkurtime nga puna.
