Janë të dy kantautorë të suksesshëm, që numërojnë një numër të madh fansash andaj dhe janë deri tani dy nga këngëtarët më të klikuar të Këngës Magjike.
Stine dhe Flori Mumajesi, rikthehen pas shumë vitesh në këtë festival dhe ndoshta publiku kishte shumë mall ti dëgjonte projektet e tyre.
Këngëtari i RnB, Stine është prezantuar 10 ditë më parë me këngën “çifti simpatik” dhe ka aktualisht 648, 529 klikime.
Ndërsa Mumajesi është rikthyer pas 6 vitesh në këtë festival dhe ka zgjedhur të prezantohet me një baladë shumë të ndjerë. “Me fjalë të vogla”, ka aktualisht 639.690 klikime dhe ka vetëm 4 ditë që është publikuar.
Konkurrenca mes dy kantautorëve ka ekzistuar gjithnjë, por këtë herë duket të jetë akoma më e fortë.
