“Opinion” ka pasur javën e kaluar një javë kryesisht të mbështetur tek ngjarjet e ditës. Ku kanë dominuar kryesisht denoncimet. Sipas të dhënave të kompanisë “Telemetrix” e cila merret me matjen e audiencës, emisioni i ditës së hënë, i titulluar: “Të gjuash me vezë” ka pasur 20.7 % share. Emisioni i ditës së martë i titulluar: “A rrezikohemi nga tërmetet?” ka pasur 29.8 % share. Emisioni i së mërkurës i titulluar: “Kush hyri në serverin e tatimeve” kishte 25.9 % share. Ndërsa emisioni i fundit i titulluar: “Denoncimi i Zaganit” kishte 29 % share. Emisioni më i ndjekur i ketij sezoni është ai i titulluar: “Kombëtarja e Ëndërrave”, me praninë e ekipit kombëtar që arriti 60.1 % share mesatarisht. Javët në vijim “Opinion” do t’ju njoftojë për shikueshmërinë e emisionit brenda vetes, për 4 edicionet e javës.
