Me mbylljen e televizionit “Agon Channel” shumë nga figurat e tij kryesore, do ti shihni në televizione dhe media të tjera.
Sonila Meço
Imazhi kryesor i këtij televizioni si dhe spikerja e edicionit qëndror të lajmeve, Sonila Meço aktualisht nuk po angazhohet me projekte të reja televizive. Por emisionet e saj po ritransmetohen në televizionin Tv Art në Maqedoni. Sonila Meço, ka realizuar një sërë programesh në Agon Channel si, Kontrata, Surpriza je ti, Dita e Shtatë, etj.
Saimir Kodra & Gentian Zenelaj
Dyshen simpatike të programit investigativ “Ça Thu”, Saimir Kodra dhe Gentian Zenelaj, do ta ndiqni së shpejti nën logon e tv Klan.
Andi Bejtja
Drejtori i Informacionit, Andi Bejtja ka nisur punë në një tjetër televizion dhe ky është televizioni muzikor, Mad Tv.
Arjon Muça
“Thuaj 33”, “Shans” “Shopping game”, etj, kanë qenë disa nga programet që ka drejtuar moderatori, Arjon Muça. Muça thotë për Opinion.al se aktualisht është duke vijuar me emisionin “You and Me”, në radio energy dhe punën në televizion po e sheh si një mundësi të mëvonshme, pasi në Agon Italia është duke u ritransmetuar ende emisioni i tij, “Thuaj 33”.
Roza Lati
“Antilope”, “Heart Attack”, etj kanë qenë disa nga programe që ka drejtuar, Roza Lati. Lati është aktualisht pjesë e spektaklit të vallëzimit “Dance With Me”, si dhe njëkohësisht e hapur për të mirëpritur oferta nga të gjitha televizionet e tjera.
