Burg për romët, 10 vjet kush nxjerr fëmijët në rrugë

TIRANË- Fëmijët që lypin në rrugë do të ndalen përmes masave të ashpra ligjore. Cdo prind që nxjerr fëmijën në rrugë do dënohet me 10 vite burg, tha ministri Tahiri. “Policia do fillojë menjëherë të kërkojë aplikimin e gjithë legjislacionit, ku parashikohet dënim deri në 10 vjet heqje lirie që identifikohen në kushtet e braktisjes së fëmijëve”. Kështu u shpreh ministri, gjatë konferencës “Kundër trafikimit të qenieve njerëzore” që u mbajt në Tiranë. Sakaq ai u kërkoi qytetarëve të mos japin lëmoshë. “Dhënia e lëmoshës është mekanizmi për të ushqyer trafikimin e fëmijëve nga vetë prindërit. Ndihma më e mirë është t’i raportojmë tek organet kompetente”, theksoi ai. Sipas statisitkave të Ministrisë së Brendshme janë mbi 340 fëmijë në situatë rruge. Ndërsa për shkrimin e bujshëm të “The Guardian” ai tha se shifrat janë gabim dhe u përgënjeshtruan edhe nga ambasadori britanik në Tiranë.