TIRANË- Kompania DIA e vazhdon procesin gjyqësor në Vjenë kundër shtetit shqiptar. Ajo kërkon 135 mijë dëmshpërblim për prishjen e kontratës me CEZ por që tani bie në kurriz të shtetit shqiptar për ta paguar. Ndryshe nga çfarë deklaroi Kryeministri Edi Rama në studion e “Opinion” se kjo çështje është mbyllur por pa dhënë shumë komente ne kemi mësuar se DIA nuk është tërhequr nga gjyqi. Opinion.al disponon edhe vendimin e Gjykatës së Virxhinias që e njeh Kastriot Ismailajn si administrator të DIA pas terheqjes së ortakes Rebeka Gaskin. Kryeministri Rama nuk preferoi të ndalej mbrëmë në këto dokumente që i serviri gazetari Blendi Fevziu, duke e akuzuar se ia ka dhënë PD-ja.
