Lorik Cana, në fjalën e mbajtur në kryeministri është shprehur se është koha që pas festimeve të përgatitemi për Europianin. “Është shumë e vështirë që të gjejmë persona që brenda vendit tonë, shoqëri, ambiente të ndryshme, të na dinë pasionin, krenarinë dhe atdhedashurinë që kemi ne për vendin tonë. Mundi që bëjnë këta djem, dhe shumica prej tyre që janë këtu e dinë se nderojnë familjen e tyre, popullin dhe me mbi të gjithë veten e tyre. Kur kemi këtë mbështetje, gëzimi ynë është I shumëfishtë. Besoj se këtë herë kjo kombëtare ka arritur një fitore të madhe në vetvete. Tani le të festojmë dhe të përgatitemi për Europian ku do të shkojmë me kokën lart, dhe jo si Shqipëri e vogël, por si Shqipëri e madhe.
