TIRANË- Ish-ministri i Jashtëm, Aldo Bumçi e ka cilësuar gafë veprimin e kryediplomatit aktual, Ditmir Bushati. “Thirri në një takim ambasadorët e Izraelit dhe të Palestinës”, tha Bumçi në mbledhjen e Komisionit të Jashtëm”. Pas votës së Shqipërisë për ngritjen e flamurit të Palestinës në OKB, Bushati ka thirrur në një takim ambasadorët e Izraelit dhe Palestinës. Ky fakt, tha Bumçi, ka irritur dy ambasadorët, të cilët kanë protestuar e me pas Ministria e Jashtme është detyruar të kërkojë ndjesë për këtë gafë diplomatike. “Kjo do të thotë të mos njohësh ABC –në e diplomacisë që të thirren në takim të përbashkët Izraeli dhe Palestina. Edhe Amerika dhe BE –ja nuk e kanë bërë këtë”, tha Bumçi.
Ndërkaq Ministria e Jashtme, ende nuk ka sqaruar nëse ky ishte vertet një incident apo ka pasur qëllime pozitive për pajtimin e dy vendeve që ndodhen prej dekadash në konflikt?!
