BURREL- Nuk ka mbetur më asgjë për t’u çuditur në Shqipëri, aq më shumë pas fotove të mëposhtme. Çudia e radhës ka ndodhur Burrel, në stadiumin “Liri Ballabani” të këtij qyteti, ku Bashkia në vend të tuneleve qe dërgojnë dhe nxjerrin lojëtarët nga dhomat e zhveshjes, ka vendosur një tendë të stërmadhe e cila përdoret gjatë faljes së riteve mortore, kryesisht në praktikat e besimin islam. Te paktën kështu duket nga fotot. Ndërkohë që ekipi vendas që e ka humbur ndeshjen e parë në stadiumin e tij me ekipin e Besëlidhjes së Lezhës, e ka cilesuar këtë tendë si një ogur të zi. Nuk është hera e parë që histori të tilla prekin stadiumin e Burrelit. Pas viteve ‘90, në portat e këtij stadiumi u zbuluan eshtra të personave të ekzekutuar nga regjimi komunist, ndërsa rasti i fundit duket të jetë më shumë injorancë e atyre që e kanë vendosur sesa bestytni qe lidhet me heqjen e shpirtrave të keqinj qe mund të mundojnë lojtarët para se të dalin në fushë.
