TIRANË- Presidenti i Republikës, Bujar Nishani deklaroi gjatë intervistës për Blendi Fevziun në ‘Opinion’ se “selitë e huaja i kanë paraqitur një listë me emra konkretë të deputetëve e funksionarëve të lartë publikë, të inkrimunuar”.
Duke folur për situatën në Parlament pas rastit “Prenga” dhe dorëheqjes së Ndokës, Presidenti tha se “është e turpshme që njerëz të inkrimiuar janë pjesë e vendimarrjes në Parlament”. Sipas Nishanit është përgjegjësi e partive politike që kanë futur këto persona në listë për deputetë.
I pyetur për materialin konfidencial të OSBE mbi politikanët shqiptarë, publikuar së fundmi në media, Nishani tha “nuk kam koment për sa kohë vetë OSBE ka delaruar se nuk është material zyrtar”. Edhe për çështjen e Metës, Nishani u tregua i rezervuar, duke thënë se “nuk kam informacion nëse kreu i Kuvendit është përfshirë në aferën e CEZ”.
