‘Rikthehet’ Halim Kosova për pastrimin e figurave në PD

TIRANË- Doktor, Halim Kosova rikthehet në jetën politike pas humbjes së garës për Tiranën në Qershor të këtij viti. Pas dy muajsh pushime, Kosova është parë këtë shtator më aktiv në zyrat e PD se sa ishte në kohën kur mbante mandatin e deputetit.  Siç mësohet përmes burimeve brenda të djathtës, doktor Halim Kosova do të jetë në krye të dekriminalizimit në Partinë Demokratike. Egzaktësisht do të quhet komisioni i posaçëm për verifikimin e figurës se përfaqësuesve të saj në të gjitha nivelet e përfaqësimit politik. Kosova, konsiderohet nga PD si një nga figurat më të pastra dhe i pa atakuar nga kundërshtarët politikë. Komisioni do të filtrojë të gjithë emrat që drejtojnë këtë parti nga nivelet më të ulëta e deri në ato më të larta. Gjithashtu do verifikojë pastërtinë e figurës së kandidatëve të saj për zgjedhjet e ardhshme parlamentare dhe të përzgjedhurve të PD për drejtues në nivel politik nesër në qeverisje të vendit.