Shumë të moshuar në Shqipëri, në vend që të shijojnë qetësinë e pleqërisë, detyrohen të punojnë sërish disa në treg, të tjerë në bujqësi apo duke bërë punë të rastit, vetëm që të përballojnë jetesën.
INSTAT tregon se gjatë vitit 2024, mbi 120 mijë pensionistë kanë qenë aktivë në tregun e punës, një rritje me gati 47% krahasuar me vitin paraardhës.”
Të arrish moshën e pensionit për të moshuarit shqiptarë s’do të thotë të pleqërosh me dinjitet. Por të mendosh si të përballosh shpenzimet edhe për pjesën e mbetur të jetës. Nga mbi 1.2 milionë qytetarë në tregun e punës pensionsitët vijojnë të jenë prezentë nga viti në vit.
Në vitin 2024, numri i personave mbi 65 vjeç që ishin aktiv arriti mbi 120.142, nga 81.835 persona që ishin pjesë e tregut të punës në vitin 2023
Për ekspertët e tregut një rikthim i tillë i të moshuarve për të punuar lidhet me faktorët ekonomik dhe demografik.
Emigrimi i lartë i popullsisë së re ka krijuar boshllëqe në tregun e punës, veçanërisht në sektorët ku kërkohet punë fizike ose e kualifikuar më pak.
Pensionistët po kthehen në tregun e punës jo për zgjedhje, por për nevojë, me pensionin mesatar prej 190 € në qytet, edhe më pak në zonat rurale, shumë prej tyre vazhdojnë të punojnë për të mbajtur shtëpinë. Në realitetin e përditshëm kjo ecuri ndihmon ekonomikisht tregun e punës por thellon sfidat për të moshuarit në të ardhme.
