Anija “Lissus” dhe 22 detarët në bord janë nisur nga baza e Sarandës drejt operacionit të NATO-s “Sea Guardian” në detin Egje.
Lajmin e bëri të ditur ministri i mbrojtjes, Pirro Vengu i cili njoftoi se Lissus do të shërbejë për 6 muaj në kuadër të sigurisë detare të Mesdheut.
“Në tokë e në det, Forcat e Armatosura në misionet ndërkombëtare mbajnë mbi shpatulla peshën e krenarisë dhe përgjegjësisë në Aleancë, ku shpesh kanë qenë vendimtare në aksionet për shpëtimin e jetës.
Anija “Lissus” dhe 22 detarët në bord u nisën nga baza e Sarandës drejt operacionit të NATO-s “Sea Guardian” në detin Egje, ku do të shërbejë për 6 muaj në kuadër të sigurisë detare të Mesdheut.
Pata kënaqësinë të vizitoj anijen tonë dhe të përcjell urimet e mia për një mision të suksesshëm, si edhe mirënjohjen për profesionalizmin dhe përkushtimin e trupës sonë detare të udhëhequr nga kapiteni Jetnor Balla.
Vetëm këtë vit, ekuipazhet shqiptare kanë kryer 5 operacione të suksesshme, duke shpëtuar mbi 120 jetë, ndërsa në total misionet tona në Egje kanë realizuar 29 operacione dhe kanë shpëtuar mbi 700 persona”, shkruan Vengu.
