Policia Rrugore e Tiranës ka intensifikuar kontrollet për të ndëshkuar çdo rast që cenon sigurinë dhe lirinë e lëvizjes në rrugë. Sipas rrugores gjatë javës 54 shtetas janë proceduar penalisht, në zbatim të nenit 293 të Kodit Penal, për parkim të gabuar në rrugë dhe korsi të dedikuara për emergjencat, biçikletat, këmbësorët dhe transportin publik.
“39 shtetas janë arrestuar/proceduar për vepra të ndryshme penale. 65 automjete janë bllokuar dhe tërhequr me mjet ngritës.
Kontrollet do të vijojnë në mënyrë të pandërprerë në çdo kohë, me fokus verifikimin dhe ndëshkimin e çdo shkeljeje që cenon sigurinë rrugore”, thuhet në njoftim.
Policia Rrugore ka apeluar sërish drejtuesit e automjeteve që të respektojnë sinjalistikën rrugore dhe të parkojnë vetëm në vendet e lejuara, për të mos penguar qarkullimin dhe për të garantuar sigurinë për të gjithë përdoruesit e rrugës.
