Kryeministri Edi Rama i ka akorduar presidentit të Emirateve, Sheikh Muhammed Bin Zayed titullin “Ylli i Mirënjohjes Publike”.
“Në emër të Republikës së Shqipërisë, me respekt të thellë dhe mirënjohje, ju dorëzoj Urdhrin e Madh me Yll të Mirënjohjes Publike”, iu drejtua Rama.
Gjatë takimit të tyre, kryeministri Rama e ka cilësuar vizitën e Presidentit të Emirateve të Bashkuara në Shqipëri, Sheikh Mohammed Bin Zayed Al Nahyan, një privilegj të posaçëm për të dhe qeverinë shqiptare.
Më tej, Rama shprehu falenderim ndaj Emirateve të Bashkuara, pasi sipas tij kanë mbështetur Shqipërinë dhe shqiptarët ndër vite.
Po ashtu ai foli edhe për ndihmat që Emiratet e Bashkuara i kanë dhënë shqiptarëve të Kosovës në periudhën e luftës.
Kujtojmë se Presidenti i Emirateve të Bashkuara, Sheikh Muhammed Bin Zayed mbërriti në Shqipëri mbërmjen e mërkurës, në një vizitë të shkurtër.
