Debati mes kryeministrit Edi Rama dhe deputeti britanik Nigel Farage ka vazhduar sërish në rrjete sociale.
Ditën e sotme, Farage i ka reaguar pas komenteve të kryeministrit Rama i cili i kërkoi të vijë në Shqipëri pas deklaratave të lëshuara nga ana e tij, lidhur me emigrantët shqiptarë të burgosur në Britaninë e Madhe.
Përmes një video të fundit të publikuar në Instagram, Farage shprehet se e pranon ftesën e Ramës për të ardhur në Shqipëri dhe për të diskutuar nga afër çështjen e emigracionit dhe të burgosjes së shqiptarëve në Britani.
“Do të diskutojmë kthimin e të burgosurve shqiptarë. Nuk mund ta shpikësh këtë! 1 në 50 shqiptarë në Britani është në burg dhe unë fola për këtë ditën e kaluar në GB News.
Edi Rama, njeriu gjigant që ai është, kryeministri i Shqipërisë, ka reaguar dhe ka thënë që është një absurditet i plotë, shifrat e mia janë të gjitha të gabuara.
Ai gjithashtu tha se si guxojmë ne si vend të mendojmë për dërgimin jashtë vendit të njerëzve që nuk i kanë plotësuar kërkesat për azil.
Ndërkohë, vetë ai po bën një marrëveshje me Italinë për të marrë disa nga azilkërkuesit e tyre të dështuar dhe çfarë është kjo hipokrizi nga ky kryeministër pro BE dhe anti Brex-it”, thotë Farage.
