Është zhvilluar në Berlin Kongresi Zgjedhor i Partisë Social-Demokrate gjermane, një prej partive më të mëdha të së majtës.
Duke qenë pjesë e të njëjtës “familje” atje kanë marrë pjesë edhe Sekretari i përgjithshëm i Partisë Socialiste, Blendi Klosi dhe Sekretarja për Marrëdhëniet me Jashtë, Romina Kuko.
Partia Socialiste njoftoi se në takimin me kryetarin e sapozgjedhur të SPD-së, Lars Klingbeil dhe përfaqësues të lartë të së majtës europiane u konfirmua mbështetja e plotë të Social-Demokratëve në rrugëtimin e Shqipërisë për integrimin në Bashkimin Europian.
“Patëm kënaqësinë të zhvillonim takime me përfaqësues të lartë të socialistëve evropianë, të cilët po ashtu janë mbështetës të rrugës sonë europiane. Partia Socialiste e Shqipërisë vijon të përfaqësohet me të gjithë kapacitetin dhe të japë shembullin e saj me reformat në qeverisjen e vendit dhe procesin e integrimit në familjen e madhe europiane”, u shpreh Klosi pas takimit./tvklan
