Dita e shtunë, 28 qershor, do të karakterizohet nga mot kryesisht i kthjellët në të gjithë vendin.
Në zonat e ulëta dhe bregdetare pritet diell i fortë gjatë gjithë ditës, ndërsa pasditja mund të sjellë zhvillime të lehta vranësirash në zonat malore lindore dhe juglindore.
Temperaturat do të ndjekin rritje graduale, ku vlerat minimale do të luhaten nga 15°C në zonat malore deri në 19°C në ato bregdetare, ndërsa maksimalet do të kapin vlerën 32°C në disa prej qyteteve të jugut si Gjirokastra dhe Elbasani.
Era do të fryjë mesatare nga veriperëndimi me shpejtësi deri në 15 m/s, ndërsa dallgëzimi në det do të jetë mesatar, deri në 4 ballë.
Specialistët e motit rekomandojnë që të shmanget qëndrimi i gjatë në diell gjatë mesditës dhe të konsumohen lëngje në mënyrë të vazhdueshme për të shmangur dehidratimin.
