Irani raporton se ka ekzekutuar tre burra të akuzuar për spiunazh për Izraelin. Konkretisht, dënimet me vdekje erdhën një ditë pasi hyri në fuqi një armëpushim midis dy vendeve.
“Idris Ali, Azad Shojai dhe Rasoul Ahmad Rasoul, të cilët u përpoqën të importonin pajisje në vend për të kryer vrasje, u arrestuan dhe u gjykuan për bashkëpunim me regjimin sionist”, tha gjyqësori.
“Dënimi u ekzekutua këtë mëngjes dhe të tre u varën”.
Ekzekutimet u kryen në Urmia, një qytet në veriperëndim pranë kufirit me Turqinë, tha gjyqësori, duke ndarë foto të tre burrave me uniforma blu burgu.
Irani është vendi i dytë në botë për numrin më të lartë të dënimeve me vdekje pas Kinës, sipas grupeve të të drejtave të njeriut, përfshirë Amnesty International.
