Pas sulmeve të SHBA në Iran ka reaguar përmes një postimi në rrjetet sociale, Albin Kurti, kryeministër i Kosovës. Në një posimi në Facebook ai ka theksuar se siguria globale kërkon ulje të armatimit bërthamor dhe jo rritjen e tij.
Kurti u shpreh se situata bëhet edhe më shqetësuese kur “shtete autoritare zhvillojnë programe për pajisje me armatim nuklear”, duke e cilësuar këtë një çështje urgjente dhe alarmuese.
“Republika e Kosovës përkrah qëndrimin e Shteteve të Bashkuara të Amerikës dhe të Bashkimit Evropian në lidhje me programin bërthamor të Iranit,” shkroi Kurti.
Ai theksoi më tej se SHBA-të mbeten aleati kryesor dhe partneri i pazëvendësueshëm i Kosovës, duke shtuar se Kosova është fuqimisht e përkushtuar në mbrojtjen e vlerave demokratike dhe euro-atlantike.
“Shtetet e Bashkuara janë superfuqia demokratike që duhen mbështetur,” përfundoi Kurti në reagimin e tij.
