Ka hyrë në ditën e katërt procesi i rinumërimit të votave të qarkut të Tiranës.
Sipas asaj që raporton gazetarja, Klesiana Omeri, nga 380 qendra votimi të numëruara deri tani, duket që partitë politike kanë humbur vota, ndryshe nga sa pretendonin.
Partia Demokratike bëhet e ditur se nga rinumërimi deri tani ka humbur 193 vota, ndërsa Partia Socialiste 173 të tilla, teksa nuk përjashtohen as partitë e tjera, por me një numër më të vogël.
Deri më tani nuk ka asnjë pritshmëri nga partitë, për të humbur apo për të fituar mandate.
Vetëm për qarkun e Tiranës, procesi i rinumërimit sipas KQZ mund të zgjasë rreth 10 ditë, ku në total do të hapen 1282 kuti votimi ose rreth 400 mijë fletë votimi.
