Ogerta Manastirliu, ministrja e Arsimit dhe Sportit përshëndeti sot 28 mijë nxënës që fillojnë provimet kombëtare të arsimit bazë. Provimet nisën me Gjuhën Shqipe dhe do të vazhdojnë me Matematikën e Gjuhën e Huaj.
Testimet zhvillohen në 340 qendra të organizuara dhe monitoruara nga staf i kualifikuar i institucioneve arsimore, duke garantuar transparencë dhe rregullsi.
“Suksese 28 mijë nxënësve që nisin sot provimet kombëtare të arsimit bazë, duke filluar me provimin e Gjuhës Shqipe e më pas në Matematikë, Gjuhë e Huaj dhe Gjuhë Amtare. Provimi do të kryhet në 340 qendra që administrohen dhe monitorohen nga stafe të kualifikuara të institucioneve tona arsimore”, shkruan Manastirliu në një postim në Facebook.
Provime përbëjnë një etapë kyçe në formimin e nxënësve, duke i përgatitur për fazën e ardhshme të studimeve.
