Evakuimi i 5 shqiptarëve nga Izraeli, Hasani: 3 mbërritën në Tiranë, 2 të tjerët..

Ministri për Evropën dhe Punët e Jashtme, Igli Hasani përmes një postimi në rrjetet sociale njofton në lidhje me shqiptarët e evakuuar nga Izraeli.

Sipas Hasanit, 5 shqiptarëve nga Izraeli, kanë mbërritur shëndosh e mirë në orët e para të mëngjesit në Athinë. Sipas tij, 3 prej tyre gjenden tashmë në Tiranë; njëri kthehet sonte në mbrëmje në Shqipëri, ndërsa personi i pestë është rezident në Greqi dhe do të qëndrojë në vendin fqinj.

Postimi i ministrit Hasani

“MEPJ përmes ambasadave të saj ka ndjekur me vëmendje në çdo etapë evakuimin e 5 shqiptarëve nga Izraeli, të cilët kanë mbërritur shëndosh e mirë në orët e para të mëngjesit në Athinë. 3 prej tyre kanë vazhduar rrugën dhe gjenden tashmë në Tiranë; njëri kthehet sonte në mbrëmje në Shqipëri, ndërsa personi i pestë është rezident në Greqi dhe do të qëndrojë në vendin fqinj.”