Temperaturat e larta kanë tërhequr me qindra vizitorë këtë fundjavë.
Dita me frekuentimin më të lartë në vijën bregdetare dhe këtë të dielë nuk i kanë munguar plazheve edhe turistët e huaj.
“Kam 3 vite që jetoj këtu, jam pensionist, këtu është shumë më mirë se në Itali, për mendimin tim edhe më qetë, jetesa më e lirë, ka shumë bashkëkombas të mi në Vlorë.”
“Kam ardhur në nëntor të vitit që shkoi, sigurisht Vlora më pëlqen, deti është i mirë si në Puglia.”
“Kemi vetëm dy orë këtu, kemi qenë në Ksamil, na pëlqen.”
“Janë pushimet e mia të para këtu, më pëlqen.”
Nga ana tjetër, në këtë periudhë të vitit nuk mungojnë emigrantët që i kthehen vendlindjes për pushime. Sipas tyre, brenda një dekade, Vlora është përmirësuar ndjeshëm në sektorin e turizmit.
“Kemi ardhur nga Gjermania, një javë kemi. Emigrantë jemi, pothuajse të ikur që 15 vjeç. Këtu kemi bërë banesat. Vlora ka ndryshuar shumë.”
“Shumë mirë ndjehemi. Ne vijmë çdo vit, edhe pse jetojmë jashtë shtetit, këtu investojmë. Kemi 20 vite që jetojmë në Amerikë, por vijmë çdo vit në Shqipëri.”
“Vij një herë në gjashtë muaj këtu me gruan time që është nga Përmeti.”
Shtimi i fluksit sezonal vihet re edhe në hyrjet nga porti. Sipas një mesatareje të përgjithshme, nga porti i Vlorës përpunohen rreth 250 pasagjerë çdo ditë.
Klan News
