Mbrëmjen e sotme në emisionin “Opinion” në TV Klan, ishte e ftuar nëna e Martin Canit, Florina Cani.
Pasi u shpreh e tronditur me publikimin e pamjeve të sherrit mes të miturve, ku për pasojë humbi jetën Martini, ajo zbuloi për herë të parë projektin që së bashku me bashkëshortin kanë ndërmarr në kujtim të Martinit.
Floriana Cani u shpreh se do e kthejnë katin e parë të shtëpisë së tyre në një muze, ku Martini, do qëndrojë i gjallë përmes kujtimeve të tij.
“Po bëjmë një muze në kat të parë të shtëpisë tonë, me të gjitha kujtimet e Martinit. Nëse dikush do të pijë një çaj, kafe, ujë dhe të shohë sa fëmijë inteligjent ka qenë Martini. Nëpërmjet fotove, të gjitha ato cilësi që kishte, kthehet në simbol për fëmijët e tjerë. Të mos ndodhin më gjëra të tilla. Ia ruaj me fanatizëm të gjitha sendet e veta. Tani kemi marrë projektin dhe kush dëshiron të kontribuojë, është i mirëpritur”, tha Florina Cani.
