Në një lidhje Skype për Klan News, kryetari i bashkisë Vlorë, Ermal Dredha foli për problematikën për furnizim me ujë të pijshëm në qytetin bregdetar.
“Po përpiqemi ta zgjidhim sa më shpejt këtë problematikë, ka rënë në një moment eneergjia elektrike, pastaj ka ndikuar te pompa e ujit. Po punojmë me ritëm të madh, shpresoj të kalojë sa më shpejt kjo situatë”, tha Dredha, për gazetarin Besard Jacaj.
Këto probleme kanë sjellë mungesë furnizimi me ujë gjatë orëve të para të mëngjesit të sotëm në një pjesë të madhe të qytetit të Vlorës.
Më herët, autoritetet bënë me dije se situata do të vazhdojë të shoqërohet me ndërprerje të tjera të pjesshme gjatë ditës, për të mundësuar furnizimin e depove me ujë dhe rregullimin e rrjetit.
