I menjëhershëm ka qenë reagimi i kandidatit të PD-AMSH Ilir Alimehmeti pas vendimit që ka marrë Komisioni i Ankimimeve dhe Sanksioneve për të hapur kutitë e fletëve të votimit në Qarkun Tiranë.
Në një postim në rrjetet sociale, Ilir Alimehmeti shkruan këtë postim të shkurtër, por që lë të kuptohet se i referohet vendimit të KAS.“Fati ndihmon kurajozët!”, shkruan Alimehmeti.
“Sot, KAS nisi shqyrtimin e kërkesës ankimore nr.48, datë 29.05.2025, depozituar nga Koalicioni Partia Demokratike – Aleanca për Shqipërinë Madhështore me objekt: “
- Kundërshtimi i Vendimit Nr. 1326, date 24.05.2025, të KSHZ “Për miratimin e Tabelës Përmbledhëse të Rezultatit të votimit në zonën zgjedhore Qarku Tiranë, për subjektet zgjedhore dhe kandidatët për deputetë në zgjedhjet për Kuvendin të datës 1 maj 2025”.
- Pavlefshmëria e zgjedhjeve të zhvilluara në datën 11 maj 2025 në zonën zgjedhore Qarku – Tiranë.
- Zgjidhjen e pasojave duke urdhëruar përsëritjen e zgjedhjeve për Kuvendin e Shqipërisë në të gjithë zonën zgjedhore Qarku Tiranë.
Me Shumicë votash, KAS rrëzoi kërkesën e Koalicionit PD-ASHM për këqyrjen e kutive të fletëve të votimit për qarkun Tiranë.
Me kërkesë të dy anëtarëve të KAS do të bëhet këqyrja e kutive të fletëve të votimit për qarkun Tiranë.
Duke qenë se ky proces merr formë për organizmin e logjistikës duke qenë se janë mbi 1200 qendra votimi, data e fillimit të procesit do të përcaktohet në një moment tjetër ku partitë politike kanë të drejtën për të caktuar vëzhgues dhe procesi do të mbikëqyret nga ana e administratës së KQZ”, u tha në vendim.
