Kryesocialisti, Edi Rama tha se Partia Socialiste mori 88 mijë vota më shumë se në 2021-in.
Teksa po fliste për fitoren e PS në zgjedhjet e 11 Majit, Rama tha se ky rezultat u arrit falë një organizimi më të mirë kapilar në territor.
“Ne e ngjitëm PS-në në një shifër rekord, duke katërfishuar ato rreth 35 mijë vota më pak brenda vendit, jashtë kufijve, krahasuar me 2021-in.
Partia Socialiste kaloi kufirin e 50%-it, duke u ngjitur katër shkallë e gjysmë, falë edhe një organizimi më të mirë kapilar në territor se sa çdo herë tjetër, por edhe falë konkurrencë së brendshme me tension të lartë gare, ku eksperienca e figurave të vjetra dhe energjia e të rinjve solli vlerën e shtuar për rezultatin historik.”
Më tej ai falenderoi në mënyrë të veçantë drejtuesit e qarqeve, që sipas tij, punën e nisën që në shtatorin e shkuar.
Për ata që nuk morën një vend në Parlamentin e ri, tha se do të angazhohen në detyra të reja për punën e përbashkët të kësaj partie.
“Kurrë më parë formacionet përfundimtare nuk kanë qenë më të përputhura me ambicien për rezultatin.”
