Prokuroria e Tiranës ka përfunduar hetimet dhe ka dërguar në gjyq Dritan Hoxhën, i cili akuzohet për vrasje me paramendim.
Sips prokurorisë, ai së bashkë me Besim Besimajn i arrestuar në Greqi, se kanë shkaktuar vrasjen e Andon Veshajt.
Kujtojmë se ngjarja ka ndodhur në krahinën e Larisës në Greqi më 17 Maj 2010.
“Nga hetimet e kryera rezultoi se shtetasi D.H. kishte njohje me viktimën dhe natën e krimit kanë qenë në të njëjtin bar që administrohej nga viktima duke konsumuar alkool. Prokuroria provoi se ata janë larguar në të njëjtën kohë dhe nga tabulatet telefonike rezultoi se autori ka komunikuar me bashkëpunëtorin tjetër shtetasin B.B.
Të dy këta shtetas kanë ushtruar dhunë fizike duke e goditur në këmbë, duar e pjesë të ndryshme të trupit. Si pasojë e dhunës, viktima ndërroi jetë. Pas këtyre akteve, ata e kanë futur viktimën në mjetin e tij dhe e kanë lëvizur nga vendi i ngjarjes”, thotë Prokuroria.
