Liderët e Bashkimit Evropian janë takuar sot në Tiranë në kuadër të samitit të Komunitetit Politik Evropian.
I pranishëm në këtë samit ishte edhe presidenti ukrainas, Volodymyr Zelensky i cili tha se gjatë këtij takimi udhëheqësit folën në telefon me Presidentin e SHBA-së Donald Trump.
Përmes një postimi në rrjete sociale, ai thotë se në këtë telefonatë u diskutua raundi i parë të bisedimeve ruso-ukrainase në Turqi, për të cilat ai thotë se Ukraina është gati të ndërmarrë hapat më të shpejtë të mundshëm për të sjellë paqe të vërtetë.
“Folëm me Donald Trump së bashku me Presidentin Macron, Kancelarin Federal Merz, Kryeministrat Starmer dhe Tusk. Diskutuam takimin në Stamboll. Ukraina është gati të ndërmarrë hapat më të shpejtë të mundshëm për të sjellë paqe të vërtetë dhe është e rëndësishme që bota të mbajë një qëndrim të fortë.
Qëndrimi ynë – nëse rusët refuzojnë një armëpushim të plotë dhe pa kushte dhe një fund të vrasjeve, duhet të pasojnë sanksione të ashpra. Presioni mbi Rusinë duhet të mbahet derisa Rusia të jetë gati t’i japë fund luftës. Faleminderit të gjithëve në botë që po ndihmojnë”, shkruan Zelensky në platformën “X”.
