Kryeministri Edi Rama, në konferencën e përbashkët me homologun britanik Keir Starmer, ka deklaruar se Shqipëria dhe Britania e Madhe, kanë bërë progres të jashtëzakonshëm në bashkëpunimin kundër rrjeteve kriminale dhe emigracionit të paligjshëm.
‘Ky është një moment i rëndësishme i marrëdhënieve mes dy vendeve tona. Asnjëherë më parë nuk keni qenë aq të lidhur në dy çështje të rëndësishme; çështjen e Ukrainës, si dy vende që ndajnë edhe anëtarësinë në NATO dhe në çështjen e betejës kundër emigracionit të paligjshëm dhe rrjeteve kriminale që e stimulojnë emigracionin e paligjshëm.
Besoj se në këtë të dytën kemi bërë progres të jashtëzakonshëm, ndërsa sa i takon të parë, marrë parasysh dhe situate gjeopolitike është edhe më e trazuar, ne kemi thelluar bashkëpunimin. Në angazhimin kundër rrjeteve kriminale dhe emigracionit të paligjshëm kemi arsye për të qenë krenarë për punë e bërë. Shifrat janë mbresëlënëse dhe përfitoj nga rasti i pranisë thuaj për të theksuar se referimi në shifrat e këtij bashkëpunimi të suksesshëm është gjëja e duhur për publikun britanik. Jo kultivimi i miteve se shqiptarët janë një problem për britanikët. Te gjitha shifrat flasin vetë në 2024 numri i shqiptareve që kanë tentuar të hyjnë në 2024 eshte disa qindra. Ulja filloi me ngritjen e Task-Forcës së përbashkët’, theksoi Rama.
